Бала туып, оның күтіміне байланысты 2 мыңға жуық жәрдемақы онлайн режимде берілді
Енді мұны бір рет басу арқылы – Halyk Homebank және Kaspi.kz банктік қосымшалары арқылы жасауға болады. Осының арқасында жас аналарға ХҚО-ға барудың қажеті жоқ. Бүгінгі күні 1618 ана бала тууына және бала күтіміне байланысты жәрдемақыны SMS және банктік қосымша арқылы алған.
Жеңілдіктерге өтініш беру үшін Halyk Homebank немесе Kaspi.kz мобильді қосымшаларына өту қажет. Әрі қарай, «Мемлекеттік қызметтер» бөлімінде баланың туылуына немесе оның күтіміне байланысты жәрдемақыны таңдаңыз. Деректерді толтырып, өтінішті растау қажет.
Өтінішті жібергеннен кейін телефонға PUSH хабарламасы және қарау нәтижесі және төлемдердің белгіленген сомасы туралы SMS келеді.
– Бұрын жәрдемақыны алу үшін Халыққа қызмет көрсету орталығы, eGov.kz электронды порталы немесе 1414 байланыс орталығы арқылы өтініш беруге болатын еді.Енді жас аналар банктік қосымша арқылы төлем алуға өтініш бере алады. Сонымен қатар біз экстерриториялық принципті енгіздік. Бұл тіркеуге қарамастан баланың туылуына және оның күтіміне байланысты жәрдемақы алуға мүмкіндік береді. Осылайша, олар қажетсіз уайым-қайғысыз барлығын реттей алады, - дейді «Азаматтарға арналған үкімет» ШҚО бойынша филиалының баспасөз хатшысы Мөлдір Зәреуітқызы.
Сіз қызметке тегін және бала туғаннан кейін жылдың кез келген уақытында өтініш бере аласыз.
В комментариях запрещены ненормативная лексика и оскорбления, высказывания, нарушающие нормы законодательства РК, реклама, комментарии, набранные ЗАГЛАВНЫМИ буквами. Оставляя комментарий, вы соглашаетесь с тем, что можете быть привлечены к ответственности в соответствии с законодательством РК, а также даёте свое согласие на сбор и обработку ваших персональных данных.